هەرێمی کوردستان و تورکیا ئاڵوگۆڕی بازرگانی و ئابووری و وەبەرهێنان پەرە پێدەدەن

ئاڤا نیوز

سەرۆکوەزیرانی هەرێمی کوردستان لەگەڵ وەزیری دارایی تورکیا، تاوتوێی ئاڵوگۆڕی بازرگانی و ئابووری و وەبەرهێنانی، لە نێوان هەرێمی کوردستان و تورکیا کرد.

وێنە گەورەکە: لە بەردەوامی دیدار و کۆبوونەوەکانی سەرۆکوەزیران، مەسرو بارزانی لە پەراوێزی لووتکەی جیهانیی حکومەتەکان لە دوبەی، لەگەڵ محەمەد شیمشەک وەزیری دارایی تورکیا چەند تەوەرێکی گرنگ تاوتوێ کرا.

 

زانیاری بەدەستهاتوو: ئەمڕۆ چوارشەممە 2025-02-12، سەرۆکوەزیران، مەسرور بارزانی، لە پەرواێزی لوتکەی جیهانیی حکومەتەکان لە دوبەی، لەگەڵ وەزیری دارایی تورکیا کۆبووەوە، جەخت لە برەودان بە پەیوەندیی نێوان هەرێمی کوردستان و کۆماری تورکیا کرا، بە تایبەتی لە بوارەکانی ئاڵوگۆڕی بازرگانی و ئابووری و وەبەرهێناندا.

زانیاریی زیاتر: لە بەشێکی دیکەی گفتوگۆکاندا، هەوڵەکانی چارەسەرکردنی کێشەکانی هەرێمی کوردستان و حکومەتی فیدراڵ و ڕێکارەکانی دەستپێکردنەوەی هەناردەکردنی نەوتی هەرێمی کوردستان لە زووترین کاتدا تاوتوێ کرا.

ئەوەی پێویستە بیزانیت: گرنگیی ئەنجامدانی پڕۆژەی ڕێگەی گەشەپێدان و بەیەکەوە بەستنەوەی وڵاتانی کەنداو و عێراق و هەرێمی کوردستان بە تورکیا و وڵاتانی ئەوروپا لە ڕێگەی هێلی ئاسنین، تەوەرێکی تری کۆبوونەوەکە بوو،  هەردوولا هاوڕابوون لە سەر پێویستیی بەشداریی کارای هەرێمی کوردستان لەم پڕۆژە گرنگەدا.