سوودانی چەند بڕیارێک بۆ شنگال دەردەکات

ئاڤا نیوز

سەرۆکوەزیرانی عێراق چەند بڕیارێک بۆ قەزای شنگال دەردەکات، دیارترینیان تەرخانکردنی بڕی 50 ملیار دینارە بۆ ئاوەدانکردنەوە قەزاکە.

چیرۆکی سەرەکی: ئەمڕۆ دووشەممە محەممەد شیاع سوودانی سەردانی پارێزگای نەینەوا و قەزای شنگالی کرد. ئەمە یەکەم سەردانی سوودانی بوو بۆ شنگال دوای دەستبەکاربوونی وەکو سەرۆکوەزیرانی عێراق.

ڕاگەیێنراوی فەرمی: دوای کۆبوونەوەی لەگەڵ ئەنجوومەنی پاریزگای نەینەوا و  یەکە ئیدارییەکانی قەزای شنگال، سوودانی چەند بڕیارێکی دەرکرد:

یەکەم: پابەندبوونی حوکمەتی ناوەندی بۆ حکومەتە خۆجێیەکان دووپاتکردەوە.

دووەم: پابەندبوونی حکومەتی بۆ ئاوەدانکردنەوەی شنگال و دەوروبەری بەشێوەیەکی فراوان ڕاگەیاند.

سێیەم: لە سندووقی ئاوەدانکردنەوە بڕی 50 ملیار دیناری بۆ شنگال و دەشتی نەینەوا تەرخان کرد.

چوارەم: بڕیاری کردنەوەی چەند فەرمانگەیەکی بۆ گەڕاندنەوەی ئاوارەکانی شنگال دەرکرد.

پێنجەم: بڕیاری دا فەرمانگەی شەهیدان لە شنگال بکرێتەوە بۆ کارکردن لەسەر دۆسیەی قوربانییان.

بۆچی گرنگە: دەرکردنی ئەم بڕیارانە هاوکار دەبێت بۆ ئاوەدانکردنەوەی شنگال، قەرەبووکردنەوەی کەسوکاری قوربانییان و گەڕانەوەی ئاوارەکان لە مانگی تەمموزی ئەمساڵدا.

باکگراوند: 10 ساڵ بەسەر هێرشی داعش بۆ سەر شنگال تێدەپەڕێت، هێشتا قەزاکە ئاوەدان نەکراوەتەوە و زۆربەی ئاوارەکانیش نەگەڕاونەتەوە. دوای تێپەڕبوونی چوار ساڵیش هێشتا ڕێککەوتنی هەولێر و بەغدا بۆ ئاساییکردنەوەی دۆخی قەزاکە جێبەجێ نەکراوە، کە دیارترین خاڵی دەرکردنی هێزە چەکدارەکانی حەشدی شەعبی و پەکەکەیە.

ئەندامانی ئەنجوومەنی پارێزگای نەینەوا باسی سەردانەکەی سوودانی بۆ شنگال دەکەن

 

 

مەحما خەلیل، ئەندامی ئەنجوومەنی نوێنەرانی عێراق باس نێوەڕۆکی کۆبوونەوەکەیان لەگەڵ سوودانی دەکات