حکومەتی عێراق کەمپی ئاوارەکان لە هەرێمی کوردستان دادەخات

ئاڤا نیوز

 

حکومەتی عێراق بڕیاری داوە تاوەکو 30 تەمموزی ئەمساڵ سەرجەم کەمپەکان لە هەرێمی کوردستان دابخات، بۆ ئەوەی ئاوارەکان بگەڕێنەوە پارێزگاکانی خۆیان. 

ئەوەی ئێستا ڕوودەدات: حکومەتی عێراق سێ بژاردەی خستووەتە بەردەم ئاوارەکان کە بریتین لە:-

• گەڕانەوە بۆ ناوچەکانی خۆیان
• مانەوە لەو شوێنەی کە ئێستا تێیدا دەژین
• چوون بۆ پارێزگایەکی دیکە، ئەو کاتە بە گەڕاوە هەژمار دەکرێن

 

لێدوانی فەرمی: عەلی عەباس، گوتەبێژی وەزارەتی کۆچ و کۆچبەرانی عێراق ڕایگەیاند: هەر ئاوارەیەک بگەڕێتەوە لە هاوکارییەکان سوودمەند دەبێت، وەکو هاوکاری دارایی و دابینکردنی پێداویستییەکانی نێوماڵ، هەروەها بڕیارە تاوەکو 30 تەمموزی ئەمساڵ سەرجەم کەمپی ئاوارەکان لە هەرێمی کوردستان دابخرێن.

 

ئەوەی پێویستە بیزانیت: 24 کەمپی ئاوارەکان لە هەرێمی کوردستان هەیە، بەپێی دوایین ئاماریش نزیکە 35 بۆ 37 هەزار خێزانی ئاوارە لە کەمپەکان دەژین، نزیکەی 120 هەزار کەسیشن.