مۆسکۆ: ئەڵمانیا خۆی بۆ شەڕ ئامادە دەکات

ئاڤا نیوز

 

ئەنجوومەنی ئاسایشی ڕووسیا بانگەشەی ئەوە دەکات کە ئەڵمانیا بۆ پشتیوانی ئۆکراینا خۆی بۆ شەڕ لەگەڵ ڕووسیا ئامادە دەکات.

 

وێنە گەورەکە: ئەنجوومەنی ئاسایشی ڕووسیا ئاشکرای کردووە کە تۆمارێکی دەنگییان بەدەست گەیشتووە تێیدا ئەفسەرانی هێزی ئاسمانی ئەڵمانیا  لە نێوان خۆیان گفتوگۆ لەسەر تێکشکاندنی پردی کریمە لە ڕووسیا دەکەن بە مووشەکی تۆرۆس.  

 

لێدوانی فەرمی: ماریا زاخارۆڤا، گوتەبێژی وەزارەتی دەرەوەی ڕووسیا ڕایگەیاند: "مۆسکۆ داوای ڕوونکردنەوەیەکی لە بەرلین کردووە سەبارەت بەو گفتوگۆیانەی کە باسی لێوە دەکرێت".

 

سێرگی لاڤرۆڤ، وەزیری دەرەوەی ڕووسیا ئەم دۆخەی بە "سەرسوڕهێنەر" وەسفکرد و ڕایگەیاند: "هاوکارەکانی لە ناتۆ درۆ دەکەن".

 

لە لایەکی دیکەوە: وەزارەتی بەرگریی ئەڵمانیا بەدواداچوون بۆ چۆنیەتی بەدەستهێنانی ئەو تۆمارە دەنگییە دەکات و دەزگەی هەواڵگری سەربازی ئەو وڵاتەش، هەموو ڕێوشوێنێکی پێویست دەگرێتەبەر.