ڕێژەی سەوزایی لە سۆران لە 3% بۆ 5%ـە و کار بۆ زیادکردنی دەکرێت

ئاڤا نیوز

 

ڕێژەی سەوزایی لە سەنتەری شاری سۆران لە 3% بۆ 5%ـە، ئەمەش کەمترە لە ستاندەردی جیهانی، ئێستا کار دەکرێت تا ڕێژەکە بەرز بکرێتەوە.

زانیاریی زیاتر: لە سۆران 13پارچە زەوی بۆ دروستکردنی پارک و سەوزایی دابینکراوە. ئێستا 4 پارکی بچووک و مامناوەند لە شارەکە هەن، لەگەڵ تەواوبوونی پارکی نیشتمانی، ڕێژەی سەوزایی بەرز دەبێتەوە بۆ 14٪.

ئەوەی پێویستە بیزانیت: فەرمانگەی ژینگەی سۆران کار لەسەر زیادکردنی ڕێژەی سەوزایی دەکات بە جۆرێک ڕێنمایی بە هاونیشتمانیان دەدات کە هەر منداڵێک لە دایک ببێت دارێک لە شار بچێنن.

زانیاریی زیاتر: ڕێژەی سەوزایی لە ماستەرپلانی نوێی سۆران لە سەدا 23٪ و بەمشێوەیە دابەشکراوە؛ پارکەکان 5.14٪، غاباتەکان 5.04، شۆڵدەر و شەقامەکان 5٪ بۆ 15٪،  هاوکات هەر پرۆژەیەکی نیشتەجێبوونیش نزیک بێت لە سەنتەری شار دەبێت ڕێژەی سەوزایی 25٪ کەمتر نەبێت.