لەکۆتایی مانگی شوبات ترەمپ و پووتین لە سعوودیە کۆدەبنەوە

ئاڤا نیوز

ئاژانسی بلۆمبێرگ ڕایگەیاند، بەپێی سەرچاوە دیپلۆماسییەکان دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا لە کۆتایی مانگی شوبات لە وڵاتی سعوودیە کۆدەبنەوە.

وێنە گەورەکە: لەم هەفتەیەدا بەرپرسانی ئەمریکا و ڕووسیا لە سعوودیە کۆدەبنەوە بۆ ئامادەکارییەکان لەبارەی کۆبوونەوە چاوەڕوانکراوەکەی نێوان ترەمپ  و پوتین.

ئەوەی پێویستە بیزانیت: ڕۆژی چوارشەممەی ڕابردوو، بۆ ماوەی کاتژمێر و نیوێک سەرۆکانی ئەمریکا و ڕووسیا لە پەیوەندییەکی تەلەفۆنیدا گفتوگۆیان لەبارەی:

- پرسە هەنوکەییەکان و ئازادکردنی دیلەکانی هەردوو وڵات کردووە.

- بارودۆخی ڕۆژهەڵاتی ناوەڕاست و بەرنامەی ئەتۆمی ئێران و پەیوەندییه دوو قۆڵییەکانیان له بواری ئابووری تاوتوێ کرد.

- پوتین و ترەمپ ڕێککەوتن لەسەر بەردەوامیدان بە پەیوەندییەکانیان و ئامادەیی خۆیان بۆ کۆبوونەوەی دوو قۆڵی دەربڕی.