بۆچی لە بازاڕی قەیسەری شاری هەولێر کارەبا نییە؟

ئاڤا نیوز

 

لە بازاڕی قەیسەری شاری هەولێر کارەبا نییە و دەیان دوکاندار بۆ ڕاییکردنی کارەکانیان پشت بە مۆلیدە، لایتی شەحن و موبایل دەبەستن.

 

داواکاریی خەڵک: هاونیشتمانیان پەیوەندی بە ئاڤا میدیاوە دەکەن و دەڵێن: لە بازاڕی قەیسەری شاری هەولێر کارەبا نییە و چەندین مۆلیدەی بچووک لەسەر شەقامەکە دەنراون، دەنگیان خەڵک بێزار دەکات و ئاستەنگ بۆ بازاڕکردنی هاونیشتمانیان دروست دەکات.

 

لێدوانی فەرمی: ئومێد خۆشناو، پارێزگاری هەولێر بە ئاڤا میدیای ڕاگەیاند: نەبوونی کارەبا لە نێو بازاڕەکە پەیوەندی بە کارەبای 24 کاتژمێرییەوە هەیە، تیمە تایبەتەکان خەریکی کارکردنن و هاونیشتمانیان دڵنیا دەکەینەوە لەوەی هیچ گرفتێک لە ئارادا نییە.

 

ئەوەی پێویستە بیزانیت: ئێستا کارەبای 11 گەڕەکی هەولێر بووەتە 24 کاتژمێری و 50 هەزار و 700 هاوبەش، كارەبای 24 كاتژمێرییان هەیە و زیاتر لە 180 هەزار هاونیشتمانی لێی سوودمەند بوون.

 

بۆچی گرنگە: دوای جێبەجێکردنی کارەبای 24 کاتژمێری، هەزاران مۆلیدە لە سنووری هەولێر دەکوژێندرێنەوە و کاریگەریی ڕاستەوخۆ لەسەر پاکبوونەوەی ژینگەی شارەکە دروست دەکات.