48 کوڕ و کچی کارمەندی دەرمانخانەیەکی هەولێر ژیانی هاوسەرگیری پێکدەهێنن

ئاڤا نیوز

 

48 کوڕ و کچی کارمەندی زنجیرە دەرمانخانەیەکی هەولێر کە هاوپیشەی یەکدین ژیانی هاوسەرگیریان پێکهێناوە و هەرکەیەیان چیرۆکێکی جیاوازیان هەیە و بۆ ئاڤای دەگێڕنەوە.

 

لێدوانی فەرمی: کامرۆز و ژیلان دوو کارمەندی لقێکی دەرمانخانەکەن و هاوسەرگیریان کردووە، کامرۆز قسەی بۆ ئاڤا کرد و گوتی، سەرەتا زۆر یەکدیمان نەدەبینی دواتر لەڕێگەی وەتسئەپەوە دەستمان بەقسەکردن کرد و بەهۆی ئەوەی هاوژینەکەم لە لقێکی دیکەی دەرمانخانەکە بوو پرسیارمان لەسەر جۆری دەرمانەکان لەیەکدی دەکرد و بەو جۆرە نزیکبوونەوە ڕوویدا و دواتر هاوسەرگیریمان کرد.

 

ئەمەش بزانە: ڕۆژانی کار و پێکەوەبوونی کارمەندەکانی ئەو زنجیرە دەرمانخانەیە بووە هۆی پێکهێنانی 24 خێزانی خنجیلانە و ئێستاش بەیەکەوە کارەکانیان ڕادەپەڕێنن. خاوەنی زنجیرە دەرمانخانەکەش دڵخۆشی خۆی بە یەکترگەیشتنی ئەو کەسانە دەردەبڕێت.

لەلایەکی دیکە: خاوەنی زنجیرە دەرمانخانەکە بە ئاڤای گوت، زۆر جار خۆم دەچوومە ماڵی کچە و خوازبێنیم دەکرد  بۆ کورەکە.

 

زانیاریی زیاتر: ئەم کوڕ و کچانە لە ڕێگەی کارەکەیانەوە توانیان هاوبەشی ژیانی خۆیان بدۆزنەوە  و لەگەڵ کارکردنیان هەست و خۆشەویستی بۆ یەکتر دەرببڕن و ئێستاش پێکەوە لە ماڵێکدا دەژین و کارەکەشیان بەیەکەوەیە.