بانکی ناوەندی: هیچ بانکێکی عێراقی سزای بەسەردا نەسەپێنراوە

ئاڤا نیوز

بانکی ناوەندیی عێراق ڕەتیدەکاتەوە هەندێک لە بانکەکانی وڵاتەکە ڕووبەڕووی سزا نێودەوڵەتییەکان کرابنەوە و ئاماژە بۆ ئەوەش دەکات وەزارەتی گەجینەی ئەمریکا ستایشی هەنگاوەکانی حکومەتی عێراقی کردووە لەو چاکسازییانەی لە کەرتی بانکیدا کردوویەتی.

چیرۆکی سەرەکی: کۆبوونەوەکانی بانکی ناوەندیی عێراق بۆ چارەگی یەکەم بۆ ساڵی 2025 لەگەڵ وەزارەتی گەنجینەی ئەمریکا و بانکی فیدراڵی ئەمریکا کۆتاییهات، کە لە دوبەی، ئیماراتی عەرەبی بە بەشداریی کۆمپانیا نێودەوڵەتییەکانی وردبینی و ڕاوێژکاری بەڕێوەچوو.

ڕاگەیێنراوی فەرمی: بە گوێرەی ڕاگەیێنراوی بانکی ناوەندی "لە کۆبوونەوەکە ستایشی ئەو هەنگاوانەی بانکی ناوەندیی عێراق و حکومەتی عێراق کرا لەو چاکسازیانەی لە کەرتی بانکیدا کردوویەتی".

"بەو پێیەی ئەو کارانەی کە لەلایەن ئەو بانکانەی لە عێراق کار دەکەن بە شێوەیەکی بەرچاو پەیوەستە بە متمانەی بانکە پەیوەندیدارە نێودەوڵەتییەکان لە کەرتی بانکی عێراق، جەخت لەسەر پێویستی دڵنیابوون لە کەناڵە فەرمییەکان دەکەینەوە بۆ پشتبەستن زانیاریی لەسەر ئەو بانکانە، نەک هەواڵی نادروست وەک ئەوەی هەندێک لە بانکە عێراقییەکان کەوتوونەتە ژێر سزا نێودەوڵەتیییەکان".