زێلێنسکی: ڕێککەوتنی ئاشتی قبوڵ ناکەم بەبێ بەشداری ئێمە

ئاڤا نیوز

زێلێنسکی جەخت لەوە دەکاتەوە هیچ سەرکردەیەکی جیهان ناتوانێت بڕیار لەسەر چارەنووسی ئۆکراینا بدات

وێنە گەورەکە: ڤۆلۆدیمیر زێلێنسکی، سەرۆک ئۆکراینا بەڵێنی دا هەر ڕێککەوتنێکی نێوان ئەمریکا و ڕووسیا کە کیێڤی تێدا ئامادە نەبێت ڕەت دەکاتەوە و جەختیشی لەوە کردەوە کە هیچ سەرکردەیەکی جیهانی ناتوانێت بڕیار لەسەر چارەنووسی ئۆکراینا بدات بەبێ بەشداری ڕاستەوخۆی ئەو وڵاتە.

لێدوانی فەرمی: زێلێنسکی بۆ کەناڵی ئێن بی سی نیوزی ئەمریکی ڕایگەیاند،“هەرگیز هیچ بڕیارێک لە نێوان ئەمریکا و ڕووسیا سەبارەت بە ئۆکراینا قبوڵ ناکەم" ئاماژەشی بەوە دا کە هیچ سەرکردەیەک لە جیهاندا نییە کە بەڕاستی بتوانێت گرێبەست لەگەڵ پوتن بکات، بەبێ ئامادە بوونی ئۆکراینا.

زانیاریی زیاتر: زێلێنسکی وتیشی ئەمریکا گەورەترین هاوبەشی ستراتیژی ئۆکراینایە ئامادەیی خۆیشی بۆ پلانی هاوبەش لەگەڵ ترەمپدا دەربڕی، جەختیشی لە گرنگی پشتیوانی ئەوروپا بۆ کیێڤ کردەوە و وتی کە مێزی دانوستانەکان پێویستە ئەمریکا، ئەوروپا، ئۆکراینا و ڕووسیا لەخۆ بگرێت.