سەرۆکی ئۆکراینا بە سەردانێکی ڕانەگەیێنراو گەشتە ئیمارات

ئاڤا نیوز

 

درەنگانێکی شەوی ڕابردوو ڤۆلۆدیمێر زیلێنسکی، سەرۆکی ئۆکراینا بۆ یەکەم جار دوای دەستپێکردنی جەنگی نێوان ئۆکراینا و ڕووسیا بە سەردانێکی ڕانەگەیێنراو گەشتە ئەبوزەبی.

 

وێنە گەورەکە: هەفتەی ڕابردوو دۆناڵد ترەمپ، سەرۆکی ئەمریکا پلانی ئەنجامدانی کۆبوونەوەیەکی لەگەڵ ڤلادیمێر پووتین، سەرۆکی ڕووسیا ڕاگەیاند و سعوودیە یەکەم وێستگەی کۆبوونەوەکانی هەردوو سەرۆک دەبێت، چاوەڕوانیش دەکرێت ئیمارات ببێت بە بەشێک لە گفتوگۆی ئاشتی و لایەنێکی سەرەکی لە چارەسەرکردنی ناکۆکییەکان، لە ڕابردوودا ئیمارات نێوەندگیری و سەرپەرشتی ئاڵوگۆڕی دیلەکانی لە نێوان ئۆکراینا و ڕووسیا کرد.

 

بڵاوکراوەی فەرمی: نووسینگەی فەرمی ڤۆلۆدیمێر زیلێنسکی، سەرۆکی ئۆکراینا لە بڵاوکراوەیەکی فەرمیدا ڕایگەیاند: ئامانجی سەردانەکەی سەرۆکی ئۆکراینا گەڕاندنەوەی دیلەکانە بۆ نیشتمان،سەرنج دەخەینە سەر وەبەرهێنان و هاوبەشی ئابووری و فراوانکردنی هاوکارییە مرۆییەکان.

 

زانیاریی زیاتر: بە پێچەوانەی سەردانی سەرۆکەکان بۆ ئیمارات، هیچ دەزگایەکی فەرمی ئیمارات تاوەکو ئێستا باسی لە سەردانەکەی زیلێنسکی نەکردووە.