مەزڵوم عەبدی: پیرۆزبایی دەستبەکاربوون لە ئەحمەد شەرع دەکەم

ئاڤا نیوز

مەزڵوم عەبدی، فەرماندەی گشتیی هێزەکانی سووریای دیموکرات (هەسەدە)، پیرۆزبایی دەستبەکاربوونی لە ئەحمەد شەرع وەک سەرۆککۆماری سووریا کرد و ڕایگەیاند، پێکەوە هەوڵدەدەن بۆ گەیشتن بە چارەسەری کێشەکان لە بەرژەوەندی نەتەوەیی.

لێدوانی فەرمی: مەزڵوم عەبدی ڕایگەیاند:

- پیرۆزبایی دەستبەکاربوون لە ئەحمەد شەرع دەکەم وەک سەرۆککۆماری سووریا و هیوادارم لەم قۆناغە هەستیارەدا بتوانێت سەرکردایەتی سووریا بکات و هێزەکانمان پشتگیری هەر هەوڵێک دەکەن بە ئامانجی گەیشتن بە سەقامگیری و یەکێتی سووریا.

- هەوڵەکان بۆ ئامادەکردنی زەمینەیەکی گونجاو بۆ دانوستان لەگەڵ حکومەتی سووریا لە دیمەشق هێشتا بەردەوامە، جەختیش لەوەدەکەمەوە کە گفتوگۆی جددی و ئامانجدار باشترین ڕێگایە بۆ گەیشتن بە چارەسەرەکان، کە بەرژەوەندی باڵای نیشتمانی بەدیبهێنێت.

- سەردانیکردنی عەفرین لەلایەن ئەحمەد شەرعەوە دەستپێشخەرییەکی گرنگ بوو بۆ هاندانی گەڕانەوەی دانیشتوانی ڕەسەن و بەرەوپێشبردنی گفتوگۆکان، هاوکات ئەحمەد شەرعی بانگهێشتکرد بۆئەوەی سەردانی شارەکانی باکووری ڕۆژهەڵاتی سووریا بکات.

- خاڵی ڕێککەوتن لەگەڵ دیمەشق هەیە، لەکاتێکدا گفتوگۆ لەسەر پرسەکانی دیکە دەکرێت، بەڵام جەخت لەوەدەکەینەوە، هێزەکانمان پابەندن بە یەکڕیزی سووریا لەسەر بنەمای دادپەروەری و یەکسانی لەنێوان هەموو سوورییەکان، دوور لە جیاکاری.