هاوپەیمانی نێودەوڵەتیی پشتیووانی لە هەسەدە دەکات

ئاڤا نیوز

 

هاوپەیمانی نێودەوڵەتی لە شام ڕایگەیاند، بۆ دابینکردنی سەقامگیری و داهاتوویەکی گەش لە ناوچەکەدا پشتیووانی هێزەکانی سووریا دیموکرات 'هەسەدە' دەکەن.

 

ڕاگەیێنراوی فەرمی: هاوپەیمانی نێودەوڵەتی ڕایگەیاند:

 

-    پشتیووانی هێزەکانی سووریای دیموکرات 'هەسەدە' لە گفتوگۆکانیان لەگەڵ حکومەتی نوێی سووریا دەکەین، لە هەوڵێکدا بۆ زیادکردنی یارمەتییەکان بەمەبەستی سەقامگیری و داهاتوویەکی گەشتر لە ناوچەکەدا.

 

-    هێزەکانی سووریا دیموکرات 'هەسەدە' و هاوپەیمانی نێودەوڵەتیی ئامادەیە بۆ هاوکاریکردنی خەڵکی سووریا و ڕێگریکردن لە سەرهەڵدانەوەی داعش لە داهاتوودا.

 

باکگراوند: پێشتر مەزڵووم عەبدی، فەرماندەی گشتیی هێزەکانی سووریا دیموکرات 'هەسەدە' پیرۆزبایی دەستبەکاربوون لە ئەحمەد شەرع وەک سەرۆککۆماری سووریا کرد و ڕایگەیاند، هیوادارە لەم قۆناغە هەستیارەدا ئەحمەد شەرع، بتوانێت سەرکردایەتی سووریا بکات و هێزەکانیان پشتگیری هەر هەوڵێک دەکەن بە ئامانجی گەیشتن بە سەقامگیری و یەکێتی سووریا.