ئەمریکا و ڕووسیا لەسەر کۆتاییهێنان بە شەڕی ئۆکراینا ڕێکدەکەون

ئاڤا نیوز

 

کۆبوونەوەی نێوان مارکۆ ڕۆبیو و سێرگی لاڤرۆڤ، وەزیرانی دەرەوەی ئەمریکا و ڕووسیا، سەبارەت بە شەڕی ئۆکراینا، لە ڕیازی پایتەختی سعوودیە بەڕێوەچوو. 

ئەوەی پێویستە بیزانیت: ئەمە یەکەمین کۆبوونەوەی ڕووبەڕووی بەرپرسانی ئەمریکا و ڕووسیایە لەوەتەی شەڕی ئۆکراینا لە شوباتی 2022ـەوە دەستیپێکردووە.

زانیاریی زیاتر: کۆبوونەوەکە چوار کاتژمێری خایاند و هەردوولا گەشبینیی خۆیان سەبارەت بە دەستپێکی پڕۆسەکانی دانوستان بۆ کۆتاییهێنان بە شەڕی ئۆکراینا نیشان دا.

لێدوانی فەرمی: وەزیری دەرەوەی ئەمریکا ڕایگەیاند، چارەسەرێکی "دادپەروەرانە" و "هەمیشەیی" بۆ شەڕی ئۆکراینا لە بەرژەوەندیی هەموولایەکدا دەبێت.

 

بۆچوونی لایەنی بەرامبەر: لای خۆشیەوە، وەزیری دەرەوەی ڕووسیا ڕایگەیاند، دوای گفتوگۆکانی ڕیاز، ئەمریکا باشتر لە هەڵوێستی ڕووسیا تێدەگات.

 

ئەوەی لەبارەیەوە دەگوترێت: هاوکات، ڤۆلۆدیمێر زێلێنسکی، سەرۆکی ئۆکراینا، ڕەخنەی لە بەڕێوەچوونی کۆبوونەوەکە گرت بەوەی بە بێ بەشداری لایەنی ئۆکراینی کراوە، ئەمە لە کاتێکدایە کە بابەتی کۆبوونەوەکە پەیوستە بووە بە شەڕی ئۆکراینا.