ترەمپ 93 داواکاری گشتی وڵاتەکەی لە کارەکانیان دووردەخاتەوە

 

ئاڤا نیوز

ڕۆژی سێشەممە، سەرۆکی ئەمریکا بڕیاری دا 93 داواکاری گشتی کە لە سەردەمی جۆ بایدن، سەرۆکی پێشووی ئەمریکا دامەزرابوون لە کارەکانیان دوور بخاتەوە.

چیرۆکی سەرەکی: دوێنێ سێشەممە 2025-02-18، دۆناڵد ترەمپ، سەرۆکی ویلایەتە یەکگرتووەکانی ئەمەریکا وەزارەتی دادی وڵاتەکەی ڕاسپاردووە، سەرجەم ئەو داواکارە گشتییانەی ئەمریکا کە لە سەردەمی جۆ بایدن، سەرۆکی پێشووی ئەمریکادا دامەزراون، لە کارەکانیان دووربخاتەوە.

لێدوانی فەرمی: دۆناڵد ترەمپ، سەرۆکی ویلایەتە یەکگرتووەکانی ئەمەریکا ڕایگەیاند:'' لە ماوەی چوار ساڵی ڕابردوودا، وەزارەتی داد زیاتر لە هەر کاتێکی دیکە  بە سیاسی کراوە و دەبێت سەردەمی زێڕینی ئەمریکا سیستمێکی دادپەروەری هەبێت و  لە ئەمڕۆوە دەستپێدەکات ''.