لە دهۆک ڤایرۆسێکی وەرزی بڵاودەبێتەوە دەیان منداڵ ڕەوانەی نەخۆشخانە دەکرێن

ئاڤا نیوز

 

بەهۆی بڵاوبوونەوەی ڤایرۆسێکی وەرزی لە پارێزگای دهۆک دەیان منداڵ ڕەوانەی نەخۆشخانە دەکرێن و بەشێوەیەک شوێن نەماوە بۆ خەواندنی نەخۆشی دیکە.

 

وێنە گەورەکە: بڵاوبوونەوەی ڤایرۆسێکی وەرزی لە دهۆک، نەخۆشخانەی هیڤی  منداڵانی لە دهۆک پرکردووە لە نەخۆش، بەشێوەیەک نەخۆشخانەکە 200 تەختە و شوێن نەماوە بۆ خەواندنی نەخۆشی دیکە. 17 ڕۆژە ئەم ڤایرۆسە بەشێوازێکی بەربڵاو توشی منداڵان دەبێت، ناوی ڤایرۆسەکە ( RSV) و بەرپرسێکی تەندروستی شارەکەش دەڵێت زیاتر ئەو منداڵانە تووش دەبن کە تەمەنیان دوو ساڵ دەبێت.

 

لێدوانی فەرمی: دکتۆر نزار بەکر، بەڕێوەبەری نەخۆشخانەی هیڤی منداڵان، بە ئاڤا میدیای ڕاگەیاند: ڕۆژانە 500 منداڵ بەمەبەستی پشکنین بۆ ئەو نەخۆشییە سەردانی نەخۆشخانەکە دەکەن و لەناویاندا 60 بۆ 70 منداڵ ئەو ڤایرۆسەیان بە قورسی گرتووە و بە مەبەستی چارەسەر لەژێر ئۆکسجین دەخەوێنرین.

 

زانیاریی زیاتر: پزیشکێکیش لەسەر ئەو نەخۆشییە قسەی بۆ ئاڤا کردووە کردووە و دەڵێت: ڤایرۆسەکە تووشی  منداڵانی خوار تەمەن دوو ساڵان دەبێت زیاتر کاریگەری لەسەر ئەو منداڵانە هەیە کە تەمەنیان لە خوار شەش مانگەوەیە و بەرگریی لەشیان کەمە،  خەو و خواردنیان لێ تێکدەدات و تەنگەنەفەس دەبن.

 

چارەسەرەکان: ئەو پزیشکە ئامۆژگاریی دایکان دەکات کە شیری خۆیان  بدەنە منداڵەکانیان بۆ ئەوەی بەرگریی لەشیان زیاد بێت و دووربن لەو جۆرە نەخۆشییانە.