هەفتەی داهاتوودا شاندی باڵای یەکێتی و پارتی کۆدەبنەوە

ئاڤا نیوز

بەرپرسێکی باڵای پارتی دیموکراتی کوردستان ئاشکرای دەکات، لە هەفتەی داهاتوودا شاندی باڵای یەکێتی و پارتی کۆدەبنەوە.

وێنە گەورەکە: پارتی و یەکێتی وەک براوەی یەکەم و دووەمی هەڵبژاردن لە هەوڵەکانیان بەردەوامن بۆ پێکهێنانی کابینەی نوێی حکومەتی هەرێمی کوردستان ، بۆ ئەم مەبەستەش تاوەکو ئێستا لەسەر ئاستی باڵا دووجار کۆبوونەتەوە و لەسەر ئاستی تەکنیکیش شاندی هەردوولا چەندین جار کۆبوونەتەوە.

لێدوانی فەمی: چیا هەرکی، جێگری بەرپرسی مەکتەبی ڕێکخستنی پارتی لە هەولێر بە ئاڤا میدیای ڕاگەیاند: لە هەفتەی داهاتوودا شاندی باڵای یەکێتی و پارتی کۆدەبنەوە، تا ئێستاش جگە لە پۆستەکان زۆر شتی دیکە ماوە قسەی لەسەر بکرێت، هەر بۆیە دانوستاندنەکان لە نێوان هەردوو حزب بەردەوامە، مەرجیش نییە بە یەک کۆبوونەوەی ئاستی باڵایی پارتی و یەکێتی هەموو شتێک یەکلا ببێتەوە. 

لەلایەکی دیکەوە: هۆشیار زێباری، ئەندامی دەستەی کارگێڕی پارتی لە پانێڵێکدا گوتی: لەگەڵ یەکێتی گەیشتووینەتە ئەنجامی زۆر باش لەبارەی بەرنامەی حکومەت و ڕێککەوتنێکمان کردووە بەڕێژەی 90% لەبارەی کێشەکانی حکومڕانی و لەیەکتر تێدەگەین، بەڵام تاوەکو ئێستا نەچووینەتە سەر بابەتی چۆن سەرۆکایەتی و پۆستەکان دابەش دەکەن.