ئەردۆغان: بازنەی ئەمنیی سنووری عێراق خەریكە تەواو دەبێت

ئاڤا نیوز

 سەرۆككۆماری توركیا ڕایگەیاند،  بازنەی ئەمنیی دەوری سنوورەكانی عێراق- توركیا خەریكە بەرەو تەواو بوون دەچێت.

وێنە گەورەكە: توركیا دەیەوێت سنوورەكانی لەگەڵ عێراق بەتەواوەتی بخاتە ژێر دەسەڵاتی سوپا، ئەمەش بەهۆی بوونی پێگەی"گەریلاكانی پەكەكە" لە سنووری نێوان هەرێمی كوردستان و توركیا.

ڕاگەیێنراوی فەرمی: رەجەب تەیب ئەردۆغان، سەرۆككۆماری توركیا ڕایگەیاند: خەریكە ئەو بازنەیە تەواو دەكەین كە سنوورەكانی عێراقمان بۆ مسۆگەردەكات، هیوادارین لەم هاوینەدا كێشەكانمان سەبارەت بە سنوورەكانی عێراق بەیەكجاری چارەسەر كردبێت.

زانیاریی زیاتر: "ئەوانەی وادەزانن لە سنووری باشووری توركیا، بە درووستكردنی تیرۆریستان چۆك بە توركیادا دەدەن، كابووسمان بۆ ئامادەکردوون". ئەردۆغان وای گوت.