سەرۆكوەزیران مەسرور بارزانی پێشانگەی نێودەوڵەتیی ئۆتۆمبێل لە هەولێر دەكاتەوە

ئاڤا نیوز

بە ئامادەبوونی سەرۆكوەزیران مەسرور بارزانی، لە شاری هەولێر پێشانگەیەكی دیكەی نێودەوڵەتیی ئۆتۆمبێل كرایەوە.

زانیاریی بەدەستهاتوو: پێشانگەكە ئەمڕۆ پێنجشەممە 20-2-2025 لەلایەن سەرۆكوەزیران مەسرور بارزانی كرایەوە و تیایدا بەش و كۆمپانیا بەشداربووەكانی بەسەر كردەوە و ماوەی چوار ڕۆژ بەردەوام دەبێت و ڕۆژانە لە كاتژمێر 11:00 پێشنیوەڕۆ تاوەكو 7:00ـی ئێوارە كراوە دەبێت.

ئەوەی پێویستە بیزانیت: لە پێشانگەكەدا 12 کۆمپانیای گەورە بە 19 براندی جیاواز و 160 کۆمپانیای جوانکاری و پارچەی یەدەگی ئۆتۆمبێل کە 40ـیان ناوخۆیی و 120ـیان بیانین، بەشدارن.