مەسرور بارزانی: بە پاڵپشتیی لاوان داهاتوویەکی گەش لەبەردەم هەرێمی کوردستانە

ئاڤا نیوز

جێگری سەرۆکی پارتی جەخت لە باوەڕبەخۆبوون و پەرەپێدانی تواناکانی لاوان و قوتابیان دەکاتەوە، بۆ ئەوەی لە ئاستی گۆڕانکارییە خێراکانی سەردەمەکەدابن.

وێنە گەورەکە: ئەمڕۆ 20-2-2025، مەسرور بارزانی، جێگری سەرۆکی پارتی دیموکراتی کوردستان لەگەڵ ژمارەیەک کادیری یەکێتی قوتابیان و یەکێتی لاوانی دیموکراتی کوردستان کۆبووەوە.

ڕاگەیێنراوی فەرمی: مەسرور بارزانی ڕایگەیاند، "شانازی دەکەم کە ئەندامی ئەم دوو ڕێکخراوە بووم و لە نزیکەوە ئاگاداری خەبات و تێکۆشان و قوربانیدانیانم، پیرۆزبایی 72مین ساڵیادی دامەزراندنیان لێ دەکەم".

- ڕێنمایی پێویستی بۆ کۆنگرەی داهاتوو پێدان کە کۆنگرەی یەکگرتنەوەی هەردوو ڕێکخراوەکە دەبێت، بڕيارە لە ساڵی 2025دا بەڕێوەبچێت.

- جەختی لەسەر لە باوەڕبەخۆبوون و پەرەپێدانی تواناکانی لاوان و قوتابیان کردەوە، بۆ ئەوەی لە ئاستی گۆڕانکارییە خێراکانی سەردەمەکەدابن.

- بە ڕێبەرایەتی سەرۆک بارزانی، پارتی پابەندە بە پاراستن و داکۆکیکردن لە قەوارەی دەستووری هەرێمی کوردستان و مافە نەتەوەیی و نیشتمانییەکان.

- بە پاڵپشتی و پشتیوانی لاوان داهاتوویەکی گەش لەبەردەم هەرێمی کوردستانە.
جەخت لە باوەڕبەخۆبوون و پەرەپێدانی تواناکانی لاوان و قوتابیان دەکاتەوە، بۆ ئەوەی لە ئاستی گۆڕانکارییە خێراکانی سەردەمەکەدابن.