بەهۆی سەرماوە لە کەرکووک دوو ڕۆژ کرا بە پشوو

 

ئاڤا نیوز

بەهۆی دابەزینی پلەکانی گەرما و بۆ پاراستنی تەندروستیی قوتابیان، پارێزگاری کەرکووک بڕیاریدا سبەی دووشەممە و ڕۆژی سێشەممە لەسەرجەم قوتابخانەکانی پارێزگاکە بکرێتە پشووی فەرمی.

چیرۆکی سەرەکی: دەستەی کەشناسی عێراق پێشبینی دەکات بەیانی لە کەرکووک و نەینەوا پلەکانی گەرما یەک پلەی ژێر سفری سەدی بێت، هاوکات لە پارێزگاکانی هەرێمی کوردستانیش لەنێوان 2 بۆ 4 پلەی ژێر سفری سەدی دەبێت، لە بەغدا و دیالە و سەڵاحەدینیش پلەکانی گەرما سفر پلەی سەدی دەبێت.

ڕاگەیێنراوی فەرمی: نووسینگەی ڕاگەیاندنی پارێزگاری کەرکووک بڵاویکردەوە، بەهۆی دابەزینی پلەکانی گەرما و لە پێناو پاراستنی قوتابییان و خوێندکاران، ڕێبوار تەها پارێزگاری کەرکووک، بڕیاریدا ڕۆژانی دووشەممە و سێشەممە واتا بەیانی و دوو بەیانی، لە قوتابخانەکانی سەرەتایی و ناوەندی و ئامادەیی پشوو فەرمی بێت.

زانیاریی زیاتر: بەگوێرەی ڕاگەیێنراوەکەی پارێزگای کەرکووک، پشووەکە تەنیا قوتابخانەکان دەگرێتەوە و فەرمانگە و بەڕێوەبەرایەتییەکانی دیکە ناگرێتەوە و دەوامی فەرمانگەکانی دیکە ئاسایی دەبێت.