زەنگی مەترسی لە داهاتووی ئابووری عێراق لێدەدرێت

 

ئاڤا نیوز

لەگەڵ ڕاگەیاندنی ئەنجامی فەرمی سەرژمێریی دانیشتووانی عێراق  لەلایەن وەزارەتی پلاندانانەوە، شارەزایانی ئابووری زەنگی مەترسی لە داهاتووی ئابووری وڵات دەدەن.

وێنە گەورەکە: ئەمڕۆ دووشەممە 2025-02-24، وەزارەتی پلاندانانی عێراق دەرەئەنجامی یەکەم سەرژمێریی دانیشتووانی دوای 37 ساڵ ئاشکرا کرد، بەگوێرەی دەرئەنجامی سەرژمێری دانیشتووانیش ئێستا ژمارەی دانیشتووانی وڵات 46 ملیۆن و 118 هەزار و 793 کەسە، لەو ڕێژەیەش ژمارەی نێر: 23 ملیۆن و 161 هەزار 604 کەسە کە دەکاتە 50.22%،  ژمارەی مێ: 22 ملیۆن و 957 هەزار و 189 کەسە و رێژەی 49.77%ـی دانیشتووان پێکدەهێنن.

لێدوانی فەرمی: مەنار عوبەیدی شارەزای ئابووری ڕایگەیاند: بەهۆی ئەوەی 34%ـی کۆمەڵگەی عێراق بەگوێرەی ئەنجامی سەرژمێری دانیشتووان گەنجن کە ژمارەیان دەکاتە زیاتر لە 15 ملیۆن 680 هەزار کەس و هێشتا نەچوونەتە نێو بازاڕی کارەوە، عێراق ڕووبەڕووی ئاڵەنگارییەکی گەورە دەبێتەوە بۆ ڕەخساندنی ملیۆنەها هەلی کار لە ماوەی 10 ساڵی داهاتوودا.

زانیاری زیاتر: "هەموو ئەو کێشانەی ئێستا ڕووبەڕووی حکومەتی عێراق دەبێتەوە سەبارەت بە دامەزراندن و دابینکردنی هەلی کار بۆ گەنجان  زۆر کەمە بەراورد بە 10 ساڵی داهاتوو، ئەگەر لە ئێستاوە حکومەت چارەسەری گونجاو نەدۆزێتەوە".