بانکی نێودەوڵەتی: نۆژەنکردنەوەی ئۆکراینا زیاتر لە 500 ملیار دۆلاری پێویستە

ئاڤا نیوز

 

بانکی نێودەوڵەتی ڕاگەیاندووە، ئەو وێرانکارییەی بەسەر ئۆکراینادا هاتووە پێویستی بە 524 ملیار دۆلارە بۆ دووبارە نۆژەنکردنەوەی ئەو وڵاتە. 

 

چیرۆکی سەرەکی: بەیاننامەیەکی هاوبەش لە نێوان بانکی نێودەوڵەتی و نەتەوە یەکگرتووەکان و یەکێتی پەوروپا و حکومەتی ئۆکراینا دەرچووە، بە ئامانجی تیشکخستنەسەر ئەو زیانە گەورەی بەسەر ئەو وڵاتەدا هاتووە لە ئەنجامی ئەو جەنگی بەرۆکی گرتووە. 

 

ژمارەکان وادەڵێن: خەمڵاندنەکانی ساڵی 2023 و ئازاری 2024 بە 392 ملیار یۆرۆ و 464 ملیار یۆرۆ خەمڵێنرابوون. 

 

لەلایەکی دیکەوە: دێنیس شمیهال، سەرۆک وەزیرانی ئۆکرانیا ڕایگەیاندووە، بەهۆی بەردەوامی جەنگەوە تا دێت پێویستییەکانی ئاوەدانکردنەوەی ئۆکراینا بەبەردەوامی زیاد دەکەن بەهۆی هێرشەکانی ڕووسیاوە.