عێراق ڕەتیدەکاتەوە فەرمانی دەستگیرکردنی بۆ ئەحمەد شەرع دەرکردبێت

 

ئاڤا نیوز

ئەنجوومەنی باڵای دادوەری عێراق ڕەتیدەکاتەوە فەرمانی دەستگیرکردنی بۆ ئەحمەد شەرع، سەرۆککۆماری سووریا بۆ قۆناغی ڕاگوزەر دەرکردبێت، ئاشکراشی دەکات کە نوسراوی فەرمانی دەستگیرکردنەکە ساختەیە.

وێنە گەورەکە: لە سێ مانگی داهاتوودا عێراق میوانداری لوتکەی عەرەبی دەکات و بڕیارە سەرۆککۆماری سووریاش بۆ قۆناغی ڕاگوزەر بانگهێشتی لوتکەکە بکرێت، بەڵام بەهۆی ئەوەی دەوترێت ئەحمەد شەرع پێشتر لە ڕیزەکانی ڕێکخراوی قاعیدە لە عێراق شەڕی دژی هێزەکانی عێراق کردووە، لەئێستاوە بانگهێشتەکە مشتوومڕی دروستکردووە.

ڕاگەیێنراوی فەرمی: ئەنجوومەنی باڵای دادوەری عێراق لە ڕاگەیێنراوێکدا ڕایگەیاند: ئەو نوسراوەی بڵاوکراوەتەوە و تێیدا ئاماژە بەوەکراوە ئەحمەد شەرع بەماددەی 4ـی تیرۆر داواکراوەو فەرمانی دەستگیرکردنی هەیە، لە دادگای عێراقی دەرنەچووە و ساختەیە.

هۆشداری دەدەین لەو ڕەفتارانە کە پێچەوانەی یاسان و ئەوانەی ئەنجامیان دەدەن، ڕووبەڕووی یاسا دەکرێنەوە