بانکی تی بی ئای ڕاکێشانی پارە لە دەرەوە ڕادەگرێت

ئاڤا نیوز

بانکی عێراقی بۆ بازرگانی "TBI" لە ئاگادارینامەیەکدا ئاگاداری بەکارهێنەرانی دەکاتەوە کە ناتوانن لە ڕێگەی ڤیزا کارد و ماستەر کاردەوە لە ATMـەکان پارە ڕابکێشن.

 

بڵاوکراوەی فەرمی: بانکی عێراقی بۆ بازرگانی دەڵێت: بەهۆی ئەو مەترسیانەی کە لە ئەنجامی خراپ بەکارهێنانی کارتی ئەلیکترۆنی (ڤیزا و ماستەرکارد) دروست دەبن، بۆ دوورکەوتنەوە لەو مەترسیانە، ڕاکێشانی پارە لە ڕێگەی ئامێری ATM بە بەکارهێنانی ئەم کارتانە تەنیا لە دەرەوەی عێراق ڕاگیراوە.

 

زانیاریی زیاتر: بانکی عێراقی بۆ بازرگانی هاوکات بەکارهێنەرانی ئاگادار دەکاتەوە، دەتوانن کارت بەکاربهێنن بۆ پارەدان لە ڕێگەی ئامێرەکانی POS و online.