سێ بەشی نوێ لە نەخۆشخانەی ئافرەتان و لەدایکبوونی فێرکاری هەولێر دەکرێنەوە

ئاڤا نیوز

سێ بەشی نوێ لە نەخۆشخانەی ئافرەتان و لەدایکبوونی فێرکاری هەولێر بەهەماهەنگی لە نێوان وەزارەتی تەندروستی حکومەتی هەرێمی کوردستان و ڕێکخراوی تەندروستی جیهانی کرانەوە.

چیرۆکی سەرەکی: ئەمڕۆ پێنجشەممە 2025-02-27، بە گوژمەی 930 هەزار دۆلار سێ بەشی نوێ لە نەخۆشخانەی ئافرەتان و لەدایکبوونی فێرکاری هەولێر کرانەوە کە پێکهاتوون لە فراوانکردنی بەشی لە دایکبوونی سروشتی، چاودێری دووگیانی مەترسیدار و چاودێری دوای لەدایک بوون.

لێدوانی فەرمی: د.سامان بەرزنجی، وەزیری تەندروستی حکومەتی هەرێمی کوردستان ڕایگەیاند: لە ساڵی 2011 ڕێژەی مردنی منداڵان کە تەمەنیان کەمتر لە مانگێک بووە لە هەر هەزار منداڵێک 21% بوو و لە ئێستادا کەمبووەتەوە بۆ 5% ئەمەش دەرخەری ئەو پێشکەوتنانەیە کە کەرتی تەندروستی هەرێمی کوردستان بەخۆیەوە بینیوە.