بافڵ تاڵەبانی لەبارەی پەیامەکەی ئۆجەلان: سەرەتا و قۆناغێکی گرنگە

ئاڤا نیوز

 

داوای ڕاگەیاندنی پەیامی ڕێبەری پەکەکە لەلایەن شاندی ئیمرالییەوە، سەرۆکی یەکێتیی نیشتمانیی کوردستان ڕایگەیاند، هیوادارین هەموولایەکمان بەدەم ئەم پەیامەوە بچین و هەنگاوی کرداریی بنێین بۆ بەدیهێنانی ئاشتیی سەرتاسەری. 

 

وێنە گەورەکە: شاندی ئیمرالی دوای سێ جار سەردانیکی عەبدوڵڵا ئۆجەلان، ئێوارەی ئەمڕۆ پێنجشەممە لە ئیستەنبوول پەیامەکەی ئۆجەلانیان لە بارەی پڕۆسەی ئاشتییەوە بڵاوکردەوە کە دوای چەکدانانی دەکرد لە پەکەکە، دوا بەدوای ئەوە کاردانەوەی لایەنە سیاسییە جیاجیاکانی بەدوای خۆیدا هێنا. 

 

ڕاگەیێنراوی فەرمی: بافڵ تاڵەبانی، سەرۆکی یەکێتیی نیشتمانیی کوردستان ڕایگەیاند، پێشوازی لە پەیامەکەی عەبدوڵڵا ئۆجەلان دەکەین، پێمانوایە پەیامێکی بەرپرسیارانە و پێویستی ئەم قۆناغەیە بۆ یەکخستنی ڕیزەکانی کوردایەتی و چارەسەرکردنی ئاشتییانەی کێشەکان لەسەر بنەمای هاوبەش و پێکەوەیی بۆ بنیادنانی داهاتوویەکی پرشنگدار و ئارامتر بۆ گەلەکەمان.

 

- یەکێتی ئەم پەیامە بە سەرەتا و قۆناغێکی گرنگ دەزانێت.

- پشتیوانی ئەم پەیامە و سەرخستنی هەر هەنگاوێک دەکەین کە گیانی پێکەوەیی و برایەتی لەنێوان کورد و تورک دەباتە پێشەوە. 

- هیوادارین هەموو لایەکمان بەدەم ئەم پەیامەوە بچین.

- پێویستە هەنگاوی کرداریی بنێین بۆ گەیشتن بە ئاشتی سەرتاسەری.