نێچیرڤان بارزانی: داواكارين په‌كه‌كه‌ پابه‌ند و گوێڕايه‌ڵى په‌يامه‌كه‌ی ئۆجەلان بێت

ئاڤا نیوز

کاردانەوەی لایەنە سیاسییەکان دوای ڕاگەیاندنی پەیامەکەی ڕێبەری پارتی کرێکارانی کوردستان بەردەوامە، لەوبارەیەوە سەرۆکی هەرێمی کوردستان ڕایگەیاند، هيوادارين ئه‌م بانگه‌وازه‌ زه‌مينه‌خۆشكه‌ر بێت بۆ به‌ديهاتنى ئاشتى و چاره‌سه‌رى ئاشتييانه. 

 

وێنە گەورەکە: دوای چەندین جار سەردانی ئیمرالی، دواجار ئەمڕۆ پێنجشەممە، شاندی ئیمرالی پەیامە مێژووییەکەی ئۆجەلانیان لەبارەی پڕۆسەی ئاشتی بڵاوکردەوە و دوا بەدوای ئەوە کاردانەوەی لایەنە سیاسییەکانی بەدوای خۆیدا هێنا. 

ڕاگەیێنراوی فەرمی: نێچیرڤان بارزانی، سەرۆکی هەرێمی کوردستان ڕایگەیاند: به‌ گه‌رمى پێشوازی له‌ په‌يامى ئۆجالان و بانگه‌وازه‌كه‌ى بۆ چه‌كدانان و خۆهه‌ڵوه‌شاندنه‌وه‌ى په‌كه‌كه‌ ده‌كه‌ين. داواكارين په‌كه‌كه‌ پابه‌ند و گوێڕايه‌ڵى په‌يامه‌كه‌ بێت و جێبه‌جێى بكات. هيوادارين ئه‌م بانگه‌وازه‌ زه‌مينه‌خۆشكه‌ر بێت بۆ به‌ديهاتنى ئاشتى و چاره‌سه‌رى ئاشتييانه‌. بێگومان سه‌رده‌مى خه‌باتى ئاشتى و مه‌ده‌نى و ديموكراسييه‌‌ و له‌و ڕێگه‌يه‌وه‌ ئه‌نجام و ده‌ستكه‌وتى باشتر دێنه‌ دى، نه‌ک به‌ چه‌ک و توندوتيژى.

 

-    ئێمه‌ له‌ هه‌رێمى كوردستان پشتيوانيى ته‌واو له‌ پرۆسه‌ى ئاشتى ده‌كه‌ين.
-    ئاماده‌ين ڕۆڵى يارمه‌تيدان و هاريكاريى بگێڕين. 
-    به‌ ڕێز و پێزانينه‌وه‌ له‌ ڕۆڵى سه‌رۆک ئه‌ردۆغان و ده‌سه‌ڵاتى ئاک پارتى ده‌ڕوانين.
-    هيوادارين قۆناغى داهاتوو، قۆناغى سه‌ركه‌وتنى ئاشتى و چاره‌سه‌رى بێت.