شێخ دارا: شەپۆلێکی دیکەی بەفر و باران ڕوو لە هەرێمی کوردستان دەکات

ئاڤا نیوز

بەگوێرەی پێشبینییەکانی کەشوهەوا، ڕۆژی پێنجشەممە کۆتا ڕۆژی شەپۆلی جەمسەری باکوور دەبێت. هاوکات لە ناوەڕاستی هەفتەی داهاتووش شەپۆلێکی دیکەی بەفر و بارانبارین ڕوو لە ناوچەکانی هەرێمی کوردستان دەکات.

لێدوانی فەرمی: شێخ دارا، پێشکەشکاری کەشوهەوا لە ئاڤا میدیا، ڕایگەیاند:

- ڕۆژی پێنجشەممە کۆتا ڕۆژی شەپۆلی جەمسەری باکوورە لە ناوچەکانی هەرێمی کوردستان و ڕۆژهەڵاتی ناوەڕاست، ڕۆژی 27-2-2025، پلەکانی گەرما بەرزدەبنەوە.

- ڕۆژی شەممە و یەکشەممەی هەفتەی داهاتوو ئەگەری نمەباران لە سلێمانی و ڕانییە هەیە، هەروەها ئەگەری بەفربارین لە ناوچە شاخاوییەکانیش هەیە.

- ڕۆژی سێشەممەی هەفتەی داهاتوو، شەپۆلێکی بەفر و بارانبارین ڕوو لە ڕۆژهەڵاتی ناوەڕاست، بەتایبەت هەرێمی کوردستان و سووریا دەکات.

- ڕۆژی شەممە پلەی گەرما لەنێوان 4 بۆ 10 پلە دەبێت، نزمترین پلە 5- بۆ 3 پلە دەبێت، هەروەها ڕادەی شێ لەنێوان 40% بۆ 50% دەبێت، خێرایی بای باکوور لەنێوان هەشت بۆ 12 کیلۆمەتر لە یەک کاتژمێردا دەبێت.