عێراق:  پێشوازى لە پەیامەکەى ئۆجەلان دەکەین

ئاڤا نیوز

وەزارەتى دەرەوەى عێراق پێشوازى لە پەیامەکەى عەبدوڵا ئۆجەلان، ڕێبەری زیندانیکراوی پەکەکە دەکات و بە هەنگاوێکى ئەرێنى بۆ سەقامگیرى ناوچەکە ناودەبات.

چیرۆکی سەرەکی: ئێوارەی دوێنی پێنج شەممە 27-2-2025 عەبدوڵڵا ئۆجەلان، ڕێبەری زیندانیکراوی پەکەکە، لە ڕێگەی شاندی ئیمراڵییەوە پەیامێکی لەبارەی پڕۆسەی ئاشتی بڵاوکردەوە و داوای لە پەکەکە کرد چەک دابنێت و خۆی هەڵبوەشێنێتەوە.

ڕاگەیێنراوی فەرمی: وەزارەتى دەرەوەى عێراق لە بەیاننامەیەکدا  ڕایگەیاند: دەستپێشخەرییەکەی ئۆجەلان هەنگاوێکى گرنگە بۆ سەقامگیری ناوچەکە و بەتایبەتیش عێراق، چونکە چەندین بنکەی سەربازی پەکەکە لە هەرێمى کوردستان و هەندێک ناوچەی عێراق هەیە.

- گفتوگۆ باشترین ڕێگەیە بۆ کۆتاییهێنان بە ململانێکانی تورکیا ، بەجۆرێک کە خزمەت بە بەرژەوەندییەکانى سەرجەم لایەنەکان بکات و پەرە بە پێکەوەژیانى ئاشتییانە بدات.

- حکومەتى عێراق پەیوەندى پتەو و بەهێز لەگەڵ تورکیا دووپاتدەکاتەوە و هیوادارە چەکدارانی پەکەکە پابەندی پەیامەکەی ڕێبەری زیندانیکراوی ئەو ڕێکخراوەبن.