لە ئەنبار دوو ئۆتۆمبێلی چەکدارانی داعش بۆردوومان دەکرێت

ئاڤا نیوز

فەرماندەیی ئۆپەراسیۆنە هاوبەشەکانی عێراق ڕایگەیاند، بەهاوکاری هێزەکانی هاوپەیمانی نێودەوڵەتی، هێزەکانیان لە ڕۆژئاوای وڵاتەکە دوو ئۆتۆمبێل و ژمارەیەک مۆڵگەی چەکدارانی داعشیان لەناوبردووە.

وێنە گەورەکە: وێڕای ئەوەی چەند ساڵێکە شکستپێهێنانی داعش ڕاگەیێنراوە، بەڵام تاوەکو ئێستا شانە نوستووەکانی ئەو ڕێکخراوە لە چەند ناوچەیەكی عێراق ماون و جارجار هێزە ئەمنییەکان و هاووڵاتیان بە ئامانج دەگرن.

ڕاگەیێنراوی فەرمی: فەرماندەیی ئۆپەراسیۆنە هاوبەشەکان لە ڕاگەیێنراوێکدا ڕایگەیاند:

٠ دوای چاودێریی و کۆکردنەوەی زانیاریی هەواڵگری، هێزەکانی دژە تیرۆر سێ ئۆپەراسیۆنی دابەزینیان بۆسەر چەند مۆڵگەیەکی داعش لە سنووری پارێزگای ئەنبار ئەنجامدا، لە ئۆپەراسیۆنەکانیشدا هێزەکانی هاوپەیمانانیش لە ڕووی هونەریی و هەواڵگرییەوە بەشداربوون،

٠ لە ئەنجامی ئۆپەراسۆنەکاندا دوو ئۆتۆمبێل و ژمارەیەک مۆڵگەی داعش لەناوبران.