سێ ڕۆژنامەنووس لەلایەن هێزە ئەمنییەكانی سلێمانییەوە دەستگیر كران

ئاڤا نیوز

هێزه‌ ئه‌منییه‌کانی‌ سلێمانی هەریەک لە ڕۆژنامەنووسان نه‌به‌ز شێخانی، دانا ساڵح و به‌شدار بازیانیان دەستگیر کرد.

 

زانیاریی پەیامنێر: ژیوار عەبدولرەحمان، پەیامنێری ئاڤا میدیا لە سلێمانی ڕاگەیاند: ئەو سێ ڕۆژنامەنووسە لە بەرەبەیانی ئەمڕۆوە دەستگیر کراون و تاوەکو ئێستا ئازاد نەکراون، هۆکاری دەستگیرکردنەکەشیان نەزاندراوە.

 

لێدوانی فەرمی: خوشکێکی نەبەز شێخانی بە ئاڤا میدیای ڕاگەیاند: کاتژمێر(1:00)ی بەرەبەیانی ئەمڕۆ هێزێکی دەمامکدار چوونەتە ماڵی براکەم هیچ فەرمانێکی دادگەیان پێنەبووە و گوتویانە ماڵەکە دەپشکنین، دوای پشکنینی ماڵەکە و ئۆتۆمبێلەکان براکەمیان لەگەڵ خۆیان بردووە، بەڵام تاوەکو ئێستا هیچ سۆراغێکی نازانین و دیار نییە کە لە کوێ دەستبەسەرە.