سیناتۆرێکی ئەمریکی: دەبێت خەڵکی ئۆکراینا سەرۆکێکی نوێ هەڵبژێرن

ئاڤا نیوز

 

سیناتۆری ئەمریکی لیندسی گراهام هەڵوێستی خۆی سەبارەت بە چاوپێکەوتنی نێوان دۆناڵد ترەمپ و ڤۆلۆدیمێر زێلێنسکی دەربڕی و سەرەڕای شانازیکردنی بە هەڵوێستی سەرۆکی ئەمریکا، دەڵێت، "ئەگەر دۆخی ئێستا بەمشێوەیە بەردەوام بێت، دەبێت کەسێکی دیکە بکرێت بە  سەرۆکی ئۆکراینا".

 

وێنە گەورەکە: لە کۆشکی سپی لە کۆبوونەوەی نێوان دۆناڵد ترەمپ، سەرۆکی ئەمریکا و ڤۆلۆدیمێر زێلێنسکی، سەرۆکی ئۆکراینا لەسەر پرسی جەنگی نێوان ڕووسیا و ئۆکراینا لە بەردەم کەناڵەکانی ڕاگەیاندن گفتووگۆیەکی توند لەنێوان هەردوو سەرۆک ڕوویدا.

 

لێدوانی فەرمی: لیندسی گراهام، سیناتۆری کۆمارییەکانی ئەمریکا لە چاوپێکەوتنێکدا لەگەڵ کەناڵی فۆکس نیوز ڕایگەیاند: ڤۆلۆدیمێر زێلێنسکی، سەرۆکی ئۆکراینا دەرفەتێکی گەورەی لەدەستدا و دەبێت خەڵکی ئۆکراینا درک بەوە بکەن زێلێنسکی بەرەو کوێیان دەبات و بەبێ ئەمریکا چارەنووسی وڵاتەکەیان نادیار و تاریک دەبێت.

 

زانیاریی زیاتر: گراهام وتیشی، یان دەبێت ڤۆلۆدیمیر زێلێنسکی بە هەڵوێست و بڕیارەکانیدا بچێتەوە و خۆی بگۆڕێت یان دەبێت ئۆکراینیەکان بیگۆڕن و کەسێکی دیکە بکەن بە سەرۆکی وڵات.