یولیا ناڤالنی بۆ خەڵکی ڕووسیا: دەنگ بە پووتین مەدەن

ئاڤا نیوز

 

هاوژینی ئەلێکس ناڤالنی، سەرکردەی کۆچکردووی ئۆپۆزیسیۆنی ڕووسیا، داوا لە خەڵکی وڵاتەکەی دەکات لە هەڵبژاردنەکانی ئاداری ئەمساڵ، دەنگ بە پووتین نەدەن.

 

بۆچی گرنگە؟ ڤلادمیر پووتین، سەرۆکی ڕووسیا کاندیدە بۆ هەڵبژاردنی سەرۆکایەتی ئەو وڵاتە، کوشتنی ناڤالنی و ئەم داوایەی هاوسەرەکەی لەو کاتەدا، ڕەنگە کاریگەریی لەسەر ڕێژەی بەشداری دەنگدەران هەبێت.

 

لێدوانی فەرمی: یولیا ناڤالنی ڕایگەیاندووە: "پێویستە لە یەک ڕۆژدا بچینە بنکەی دەنگدان، 17ـی ئادار کاتژمێر 12:00، دواتر چی بکەین؟ ئێوە دەتوانن هەڵیبژێرن، دەتوانن دەنگ بە هەر کاندیدێک بدەن جگە لە پووتین".

 

ئەوەی پێویستە بیزانیت: بە بڕیاری کۆمیسیۆنی ناوەندیی هەڵبژاردنەکانی ڕووسیا، بڕیارە 15-17ـی ئاداری ئەمساڵ هەڵبژاردنەکانی ئەو وڵاتە بەڕێوەبچێت و ڤلادمیر پووتینیش بەربژێری پۆستی سەرۆکایەتییە.

 

باکگراوند: نێوەڕاستی مانگی شوباتی ئەمساڵ، ئەلێکسی ناڤالنی، سەرکردەی دیاری ئۆپۆزیسیۆنی ڕووسیا و نەیاری ڤلادمیر پووتین، لە زیندانێکی ئەو وڵاتە گیانی لەدەستدا و میدیاکانی ئەمریکا و ئەوروپاش گومانیان لە مردنی هەبوو.