ئێران: بەم زووانە عێراق دەست بە هاوردەکردنەوەی غازی ئێران دەکاتەوە

ئاڤا نیوز

جێگری وەزیری نەوتی ئێران ڕایگەیاند، عێراق مۆڵەتی کاتی بۆ هاوردەکردنی غازی ئێران لە ئەمریکا وەرگرتووە.

وێنە گەورەکە: ئیدارەی ترەمپ لە چوارچێوەی سەپاندنی زۆرترین فشار بۆسەر ئێران دەیەوێت ڕێگریش بکات لەوەی کە ئێران لە ڕێگەی سەرچاوە سروشتییەکانییەوە داهات کۆبکاتەوە بۆ خەرجکردنی لە پەرەسەندنی بەرنامە ئەتۆمییەکەی و بەرگری وڵاتەکەی.

لێدوانی فەرمی: سەعید تەوەکولی، جێگری وەزیری نەوتی ئێران ڕایگەیاند، عێراق مۆڵەتی کاتی بۆ دەستپێکردنەوەی هاوردەکردنی غازی ئێران بەدەستدەهێنێت و چاوەڕوان دەکرێت بەردەوام بێت لە هاوردەکردنی سەرچاوەکانی ئێران بۆ وڵاتەکەی.

ئەوەی پێویستە بیزانیت: ساڵانێکی زۆرە عێراق پشت بە هاوردەکردنی کارەبا و غازی ئێران دەبەستێت، بەتایبەتی لە وەرزی هاویندا، بۆ ئەمەش بەردەوام پێویستی بە مۆڵەتی ئەمریکا هەیە.

باکگراوەند: لە مانگی شوباتی ئەمساڵدا دۆناڵد ترەمپ، سەرۆکی ئەمریکا مۆڵەتی عێراقی بۆ هاوردەکردنی کارەبا و غازی ئێرانی هەڵوەشاندەوە، ئەمەش لە چوارچێوەی سزا نوێیەکانی ترەمپ بوو بۆسەر ئێران.