ترەمپ: پووتن دەیەوێت جەنگ کۆتای بێت و زێلێنسکیش دەیەوێت بەردەوام بێت

جیهان
1 ئازار

شەیری بکە لە:

ترەمپ: پووتن دەیەوێت جەنگ کۆتای بێت و زێلێنسکیش دەیەوێت بەردەوام بێت

دیمەنی پێشوازی دۆناڵد ترەمپ لە زێلێنسکی. وێنە - AFP

ئاڤا نیوز

دۆناڵد ترەمپ، سەرۆکی ئەمریکا زێلێنسکی بە بەرپرسیاری بەردەوامی جەنگ دەزانێت و دەڵێت ئێمە دەمانەوێت ئاشتی بێتەکایەوە و کوشتنی هاوڵاتیانی ئۆکراینی و ڕووسی بوەستێنرێت.

وێنە گەورەکە: دروستبوونی گرژی لە کۆبوونەوەی نێوان دۆناڵد ترەمپ، سەرۆکی ئەمریکا و ڤۆلۆدیمێر زێلێنسکی، سەرۆکی ئۆکراینا، پەیوەندییە دیبلۆماسیەکانی نێوان هەردوو وڵاتی هێناوەتە ئاستی سفر و ئەمریکا داوا لە زێلێنسکی دەکات لە بەرامبەر بێڕێزی نواندن لە کۆشکی سپی داوای لێبوردن بکات و تاوەکو ئامادەی ئاشتی نەبێت دەرگای کۆشکی سپی بە ڕووی سەرۆکی ئۆکراینادا داخراوە.

لێدوانی فەرمی: دۆناڵد ترەمپ، سەرۆکی ئەمریکا لە کۆنگرەیەکی ڕۆژنامەوانیدا ڕایگەیاند:

٠ کۆبونەوەم لەگەڵ زێلێنسکی بە باشی بەڕێوەنەچوو، ئەو بە داوی جەنگدا دەگەڕێت و ئێمەش بە دوای ئاشتیدا.

٠ تەنیا ئەم هەفتەیە 2000 سەربازی ئۆکراینی و ڕووسی مردوون، من دەمەوێت کوشتنی گەنج و هاوڵاتیانی ئۆکراینی و ڕووسی کۆتای بێت.

٠ زێلێنسکی لەگەڵ وڵاتێکی زلهێزی جیهان لە جەنگ بەردەوام دەبێت، چوونکە پێیوایە کەسێکی بوێرە.

٠ سەرۆک پوتن دەیەوێت جەنگ کۆتایی پێبێت، زێلێنسکیش دەیەوێت جەنگ بەردەوام بێت بۆ ئەوەی وەک پاڵەوانێک خۆی دەرخات.