حەماس داوای جێبەجێکردنی قۆناغی دووەمی ئاگربەستی غەززە دەکات

ئاڤا نیوز

 

دوای تەواوبوونی قۆناغی یەکەمی ئاگربەستی غەززە کە 42 ڕۆژی خایەند، بزووتنەوەی حەماس پێداگری لەسەر جێبەجێکردنی قۆناغی دووەمی ئاگربەستەکە دەکات.

 

ڕاگەیێنراوی فەرمی: مەحمود مەرداوی، سەرکردەیەکی باڵای بزووتنەوەی حەماس ڕایگەیاند، تاکە ڕێگە بۆ گەیشتن بە سەقامگیری لە ناوچەکە و گەڕانەوەی بارمتەکان، تەواوکردنی جێبەجێکردنی ڕێککەوتنەکەیە کە ئەمەش لە جێبەجێکردنی قۆناغی دووەمەوە دەست پێدەکات.

 

زانیاریی زیاتر: ئەم لێدوانەی ئەو بەرپرسە باڵایەی حەماس لەکاتێکدایە، ئیسرائیل داوای درێژکردنەوەی قۆناغی یەکەمی ئاگربەست دەکات کە لە 19-1-2025 کەوتە بواری جێبەجێکردنەوە.

 

باکگراوند: لە حەوتی ئۆکتۆبەری ساڵی 2023 شەڕ لە کەرتی غەززە هەڵگیرساوە و بەهۆی هێرشە بەردەوامەکانی ئیسرائیلیش لەوکاتەوە تاوەکو ئێستا 48 هەزار کەس کوژراون و زیاتر لە 111 هەزار کەسی دیکەش برینداربوون. دواتر لە 19-1-2025 ئاگربەست لەنێوان ئیسرائیل  و حەماس کەوتە بواری جێبەجێکردنەوە، ڕێککەوتنە سێ قۆناغ لەخۆدەگرێت، هەر قۆناغێکیش 42 ڕۆژ دەخایەنێت.