تەقینەوەیەک لە گوندێکی سنووری دووکان ڕوویدا و بریندار هەیە

ئاڤا نیوز

 

بەهۆی تەقینەوەیەک لە گوندێکی سنووری قەزای دووکان دوو منداڵ برینداربوون، بەڕێوەبەری پۆلیسی دووکانیش لەوبارەیەوە دەڵێت، "سەرقاڵی لێکۆڵینەوەین لە ڕووداوەکە'.

 

چیرۆکی سەرەکی: دوای ئەوەی دەنگۆی تەقینەوەیەک لە گوندی سۆفیا لە سنووری ناحییەی بنگرد بڵاوکرایەوە، کە بەوهۆیەوە دوو منداڵ برینداربوون، ئاڤا بەدواداچوونی بۆ بابەتەکە کرد.

 

لێدوانی فەرمی: عەمید عادل ساڵح، بەڕێوەبەری پۆلیسی دووکان بە ئاڤا میدیای ڕاگەیاند: ئێوارەی ڕۆژی 1-3-2025، لە گوندی سۆفیا لە سنووری ناحییەی بنگرد، گوللە تۆپ بە دوو منداڵ لە نزیک ماڵەکەی خۆیان تەقیوەتەوە، بەوهۆیەشەوە برینداربوون.

 

زانیاریی زیاتر: بەوتەی بەڕێوەبەری پۆلیسی دووکان، منداڵەکان بۆ وەرگرتنی چارەسەر بۆ سلێمانی گواستراونەتەوە، بەهۆی ئەوەی دایک و باوکیان لەگەڵە تاوەکو ئێستا نەتوانراوە وتەیان وەربگیرێت.

 

زانیاریی تایبەت: ئێستا ئاسایش و پۆلیسی دووکان سەرقاڵی لێکۆڵینەوەن لە هۆکاری ڕووداوەکە.