ناوەڕاستی ئەم هەفتەیە لە هەرێمی کوردستان بارانی بەلێزمە دەبارێت

ئاڤا نیوز

بە گوێرەی پێشبینیەکانی کەش و هەوا کاریگەری شەپۆلێکی بەرز لەسەر ناوچەکە هەیە، بەڵام پلەکانی گەرما لە چاو ڕۆژانی ڕابردوو بەرز دەبێتەوە، لە هەفتەی داهاتوو دوو شەپۆڵی دیکە بارانبارین ڕوو لە هەرێمی کوردستان دەکات.

لێدوانی فەرمی: شیخ دارا، شارەزا و پێشکەشکاری کەش و هەوا لە ئاڤا میدیا، ڕایگەیاند: لە هەرێمی کوردستان کاریگەری شەپۆلەکە لە شەوەوە بەرز دەبێتەوە، لە باشووری عێراق تا دێتە ناوەڕاستی عێراق و هەرێمی کوردستان بارانبارین دەستپێدەکات، ڕۆژانی سیشەممە و چوارشەممە و پێنج شەممە ئەگەری بارانبارینی بە لێزمە هەیە، لە ناوەڕاستی ئەم مانگەش ئەگەری هەیە دوو شەپۆڵی دیکەی بارانبارین ڕوو لە هەرێمی کوردستان بکات و بەفریش لەناوچە شاخاوییەکان ببارێت.

زانیاریی زیاتر: تێکڕای پلەکانی گەرما لە هەرێمی کوردستان بەرزترین لە شەش بۆ 14 پلە تۆمار دەکرێت، نزمترینیش لە دوو بۆ هەشت پلە تۆمار دەکرێت.