زێلێنسکی سوپاسی پیشتوانییەکانی ئەمریکا دەکات

ئاڤا نیوز

 

ڤۆلۆدیمیر زێلێنسکی، سەرۆکی ئۆکراینا دەڵێت، ڕۆژێک تێنەپەڕیووە کە ئۆکراینا سوپاسگوزاری ئەمریکا نەبێت بۆ پشتیوانییەکانی.

 

چیڕۆکی سەرەکی: ڤۆلۆدیمیر زێلێنسکی، سەرۆکی ئۆکراینا دوای ئەوەی لەگەڵ دۆناڵد ترەمپ، سەرۆکی ئەمریکا لە کۆنگرەیەکی ڕۆژنامەوانی هاوبەشدا کەوتە دەمەقاڵییەوە، زێلێنسکی چووە بەریتانیا و لەگەڵ سەرۆکوەزیرانی وڵاتەکە کۆبوویەوە، بەشداری لە لووتکەی سەرکردەکانی ئەوروپا کرد بەمەبەستی پیشتووانیکردنی ئۆکراینا. 

 

لێدوانی فەرمی: سەرۆکی ئۆکراینا ڕایگەیاند، ''ئێمە هەوڵی دیپلۆماسی زیاتر دەدەین بۆ ئەوەی لەگەڵ واشنتن هاوتەریب بووەستین، ئێمە گرنگی ئەمریکا دەزانین سوپاسگوزارین بۆ ئەو هەموو پشتگیرییەی کە لە ئەمریکاوە وەرمانگرتووە، ڕۆژێک نەبووە تێپەڕیبێت کە هەستمان بەم سوپاسگوزارییە نەکردبێت''

 

بۆچی گرنگە: دوای ئەو گفتوگۆ تووندەی نێوان هەردوو سەرۆکی ئەمریکا و ئۆکراینا، کۆنگرەی ڕۆژنامەوانی ئەو دوو سەرکردەیە هەڵوەشێندرایەوە و واژۆ لەسەر ڕێککەوتنی کانزا دەگمەنەکان بۆ کاتێکی نادیار وەستێنرا لەسەر ئەم بابەتەش زێلێنسکی دەڵێت؛ ئامادەین ڕێککەوتنی کانزاکان لەگەڵ ئەمریکا واژۆ بکەین.