زیاتر لە 300 هەزار مووچەخۆر لەڕێگەی هەژماری من مووچە وەردەگرن

ئاڤا نیوز

 

بەگوێرەی  بریارە لەم دوو ڕۆژە لە وەزارەبەدواداچوونی ئاڤاتی دارایی عێراق وردبینیکردن لە لیستی مووچەی مانگی دوو تەواوبێت و دەست بە ڕێکارەکانی ناردنی پارە دەکرێت، چاوەڕوان دەکرێت ئەم هەفتەیە 950 ملیار بۆ تریلۆنێک دینار بنێردرێت، زیاتر لە 300 هەزار مووچەخۆریش لەڕێگەی هەژماری من مووچە وەردەگرن.

 

وێنە گەورەکە: بە ئامانجی هێنانەکایەی ئاسانکاریی زیاتر بۆ هاووڵاتییانی هەرێمی کوردستان، حکومەت بەردەوامە لە پتەوکردنی ژێرخانی بە دیجتاڵیکردن و لەو چوارچێوەیەشدا دەیەوێت سەرجەم مووچەخۆران لە ڕێگەی هەژماری منەوە مووچەکانیان وەربگرن و تا ئێستا پرۆسەکە لەکەرتی گشتیی بەردەوامە.

 

زانیاریی تایبەت: تیمی هەژماری من بە ئاڤای گوت، "720 هەزار مووچەخۆر تۆمارکراون و 400 هەزار کارت بە مووچەخۆران دراونەتەوە و بۆ مووچەی مانگی دوو زیاتر لە 300 هەزار مووچەخۆر لە ڕێگەی ئامێرەکانی (ئەی تی ئێم) مووچە وەرگرن."

 

ئەمەش بزانە: دوای گەیشتنی پارەکە تیمەکانی هەژماری من ئامادەکاریی دەکەن بۆ ئەوەی پارە لە ئامێرەکانی 'ئەی تی ئێم' لە سەرجەم شار و شارۆچکەکانی هەرێمی کوردستان دابنێن.