سەرۆککۆماری عێراق بەرەو میسر بەڕێکەوت

ئاڤا نیوز

بە مەبەستی بەشداریکردن لە کۆبوونەوەی بەپەلەی لووتکەی وڵاتانی عەرەبی تایبەت بە دۆخی غەززە، سەرۆککۆماری عێراق بەرەو قاهیرەی پایتەختی میسر بەڕێکەوت.

 

وێنە گەورەکە: ئامادەکارییەکان بۆ لووتکەی نائاسایی وڵاتانی عەرەبی لە قاهیرە بەردەوامن و ئەمڕۆ دووشەممە وەزیرانی دەرەوە کۆدەبنەوە، ڕۆژی سێشەممەش سەرۆککۆمار سەرۆکایەتیی شاندی عێراق بۆ بەشداریکردن لە لووتکەکە دەکات کە تایبەتکراوە بە دۆخ و چارەنووسی کەرتی غەززە.

 

ڕاگەیێنراوی فەرمی: بەگوێرەی ڕاگەیێنراوێکی نووسینگەی سەرۆککۆماری عێراق: بۆ بەشداریکردن لە کارەکانی کۆبوونەوەی بە پەلەی لووتکەی وڵاتانی عەرەبی، د. لەتیف ڕەشید، سەرۆککۆماری عێراق وڵاتی بەرەو کۆماری میسری عەرەبی جێهێشت.

- ژمارەیەک لە بەرپرسانی حکومی و ڕاوێژکار و کەسایەتییە سیاسییەکان یاوەری سەرۆککۆمار دەبن.

 

ئەوەی پێویستە بیزانیت: کۆبوونەوەکە ڕۆژی سێشەممە 4-3-2025 بەڕێوەدەچێت، لەبارەی پێشنیازەکەی دۆناڵد ترەمپ، سەرۆکی ئەمریکایە بۆ ڕاگواستنی خەڵکی فەڵەستین بۆ ئوردن و میسر و بوونیادنانەوەی غەززە.

 

ئەمەش بزانە: عێراق پشتیوانی هەڵوێستی یەکگرتووی عەرەبی دەکات بۆ دووبارە ئاوەدانکردنەوەی غەززە و ڕاگەیاندنی ئاگربەستی هەمیشەیی، کۆچپێکردنی خەڵکی غەززەش ڕەتدەکاتەوە.