سیستمی كارەبا بەوزەی خۆر بۆ 81 قوتابخانە دابین كراوە

ئاڤا نیوز 

 

سیستمی کارەبا بە وزەی خۆر بۆ 81 قوتابخانەی هەرێمی کوردستان دانراوە و پرۆسەکە بەردەوام دەبێت و تەواوی قوتابخانەکانی هەرێمی کوردستان دەگرێتەوە.

 

وێنە گەورەکە: بە فەرمانی سەرۆکوەزیران مەسرور بارزانی، تەواوی قوتابخانەکانی هەرێمی کوردستان سیستمی کارەبا بە وزەی خۆریان بۆ دابین دەکرێت. تا ئێستاش 81 قوتابخانە لە پارێزگاکانی هەولێر، سلێمانی، دهۆک، هەڵەبجە، کەرکووک و ئیدارە سەربەخۆکان، سیستەمەکەیان بۆ دانراوە، هاوکات بڕی 5 ملیار دیناری دیکەش تەرخانکراوە، تا 76 قوتابخانەی دیکە بەهەمان سیستم، کارەبایان بۆ دابین بکرێت.

 

ڕاگەیێنراوی فەرمی: فەرمانگەی میدیا و زانیاریی حکومەتی هەرێمی کوردستان بڵاویکردووەتەوە، ئامانج لەدانانی ئەو سیستمە کارەباییە بەشێوەی 24 کاتژمێری بۆ قوتابخانەکان بۆ ئەوەیە؛ لە قوتابخانەکان پێویستییان بە کارەبای موەلیدە نەمێنێت.