لە سلێمانی هەوڵی ساغکردنەوەی گۆشت و جگەری بەستوو دەدرێت

ئاڤا نیوز

لیژنەکانی قایمقامیەتی سلێمانی دەستیانگرتووە بەسەر پێنج تۆن جگەری بەستووی ئاژەڵ کە شیاوی خواردن نەبووە. دوێنێش دەیان تۆن گۆشتی بەستوو دەستی بەسەردا گیراوە.

وێنە گەورەکە: لە مانگی ڕەمەزاندا خواست لەسەر کڕینی خواردن زیاد دەکات، بەشێک لەوانەی بازرگانی بە گۆشت و خۆراک دەکەن ئەم مانگە بە دەرفەت دەزانن بۆ ساغکردنەوەی کاڵای تێکچوو.

ڕاگەیێنراوی فەرمی: قایمقامیەتی سلێمانی ڕایگەیاند، ئەمڕۆ دووشەممە لیژنەکانیان دەستیانگرتووە بەسەر پێنج تۆن جگەری بەستووی ئاژەڵ کە لە هاوردەکردنی ئەو جۆرە قەدەغە کراوە و بەشێوەی نایاسایی هێنراوەتە سلێمانی. لیژنەکانی قایمقامیەت دەڵێن، جگەرە بەستووەکە بە شێوەیەکی زانستی لەناو دەبرێن.

ئەوەی پێویستە بیزانیت: بە گوێرەی ڕێنمایی ڤێتەرنەری، هاوردەکردنی جگەری ئاژەڵ قەدەغەیە.

لەلایەکی دیکەوە: دوێنێ لیژنە هاوبەشەکانی قایمقامیەتی سلێمانی دەستیان گرتووە بەسەر 60 تۆن گۆشتی بەستوو کە دوای پشکنین دەرکەوتبوو شیاوی خواردن نییە. گۆشتە بەستووەکەی دوێنێ لەگەڵ پێنج تۆن جگەرە بەستووەکەی ئەمڕۆ هەردووکیان لە مەنگۆلیاوە هاوردە کراوە.