فایلی خەڵک.. ژمارەیەک پێشمەرگە داوای گەڕانەوەی پلەکانیان دەکەن

ئاڤا نیوز

ژمارەیەک پێشمەرگە لە ساڵی 2009 بەهۆی بیروڕای جیاواز لە ئەرکەکەیان دوورخرانەوە، دوای 14 ساڵ بە بڕیاری سەرۆکوەزیران مەسرور بارزانی گەڕانەوە سەر کارەکەیان، ئێستا داوای گەڕاندنەوەی پلە کۆنەکانیان دەکەن.

وێنە گەورەکە: 327 پێشمەرگەی لیواکان لە هەولێر، گەرمیان، سلێمانی، ڕانیەو شوێنەکانی دیکە، لە ساڵی 2009 بەهۆی بیروڕای جیاوازی سیاسی لەسەر کارەکانیان لادران، دواتر بڕیارێک درا کە بگەڕێنەوە سەر کارەکانیان، بەڵام پلەکانیان  بۆ نەگەڕایەوە، چونکە ئەگەر پلەکانیان بۆ بگەڕێنرێنەوە، مووچەکەیان زیاد دەکات.

لێدوانی فەرمی: سەرچاوەیەک لە وەزارەتی پێشمەرگە بە ئاڤای ڕاگەیاند،

- هەر پێشمەرگەیەک بە هەر هۆکارێک لەکار لادرابێت پلەکەی ڕادەگیرێت کە ئێستا گەڕێنراونەتەوە، واتا دووبارە دامەزراندنیان بۆ کراوە بۆیە پلەی پێشوویان نەماوە.

- ئەگەر ئەو 14 ساڵەی دابڕاون بە خزمەت بۆیان هەژمار بکرێت و ساڵانی ڕابردوویان بۆ بگەڕێتەوە، ئەوا ئێستا پلە بەرزکردنەوە وەستاوە تاوەکو خشتەی 2025 پەسەند دەکرێت.