زیاتر لە 26 کیلۆگرام ماددەی هۆشبەر دەستی بەسەردا دەگیرێت

ئاڤا نیوز

زیاتر لە 26 کیلۆگرام ماددەی هۆشبەر لەلایەن بەڕێوەبەرایەتیی نەهێشتنی ماددە هۆشبەرەکان دەستی بەسەرداگیرا. هاوکات لە کاتی چالاکییەکەدا 11 کەس دەسگیرکران کە مامەڵەیان بەو ماددە هۆشبەرانەوە دەکرد.

چیرۆکی سەرەکی: لە دوو هەفتەی ڕابردوو ژمارەیەک چالاکی لەلایەن بەڕێوەبەرایەتیی نەهێشتنی ماددە هۆشبەرەکان و بەڕێوەبەرایەتییەکانی پیرمام و سۆران ئەنجامدرا بۆ دەستبەسەرداگرتن و دەستگیرکردنی ئەو باند و تۆڕانەی کڕین و فرۆشتن بە ماددە هۆشبەرەکانەوە دەکەن.

ڕاگەیێندراوی فەرمی: ڕۆژی سێشەمە 4ـی 3ـی 2025 بەڕێوەبەرایەتیی نەهێشتنی ماددە هۆشبەرەکان ڕایگەیاند:

- لە چالاکییەکدا دەستبەسەر بڕی 26 کیلۆ و 208 گرام ماددەی هۆشبەردا گیرا.

 - هەر لە چالاکییەکەدا 11 تۆمەتبار دەستگیرکران و لە دادگا دۆسیەی تاوان بۆ ئەو تۆمەتبارانە کراوەتەوە، بەپێی یاسا مامەڵەیان لەگەڵدا دەکرێت.

زانیاریی زیاتر: جۆری ئەو ماددە هۆشبەرانەی دەستیان بەسەردا گیراوە  پێکدێن لە کریستاڵ، حەشیش و هیرۆین.