یەکێک لە تۆمەتبارە سەرەکییەکانی "دزیی سەدە" لێبووردنی گشتی دەیگرێتەوە

ئاڤا نیوز

 

یەکێک لە تۆمەتبارە سەرەکییەکانی "دزیی سەدە"، کە سێ ساڵ سزای زیندانیکردنی لەلایەن دادگەوە بۆ دەرکرابوو، بەر یاسای لێبوردنی گشتی دەکەوێت و بڕیاری دەستگیرکردنی هەڵدەوەشێتەوە.

 

نووسراوی فەرمی: بەگوێرەی نووسراوێکی فەرمیی ئەنجوومەنی باڵای دادوەریی عێراق کە ئاراستەی پەرلەمان و نووسینگەی سەرۆکوەزیران کراوە، تێیدا هاتووە؛ تۆمەتبار هەیسەم ڕەمەزان جبوری بەر یاسای لێبوردنی گشتی کەوتووە.

 

ئەوەی پێویستە بیزانیت: لە مانگی دووی ساڵی ڕابردوو، دادگەی تاوانەکانی کەرخ فەرمانی دەستگیرکردنی بۆ نور زوهێر، تۆمەتباری سەرەکیی دزیی سەدە و چەند تۆمەتبارێکی دیکە دەرکرد لەوانەش هەیسەم جبووری، پەرلەمانتاری پێشووی عێراق.

 

ئەمەش بزانە: لە 21ی مانگی 1ی ئەمساڵ، پەرلەمانی عێراق هەمواری یاسای لێبوردنی گشتیی پەسەند کرد، بەگوێرەی یاساکە بەشێکی زۆری زیندانیانی عێراق بە تایبەتی لە پێکهاتەی سوننەی لە زیندان ئازاد دەکرێت.

 

باکگراوند: لە ساڵی 2022، دزینی سێ تریلیۆن دیناری عێراق کە دەکاتە دوو ملیار دۆلار و نیو لە دەستەی باج ڕاگەیێنرا.