فایلی خەڵک؛ دوای بەدواداچوونی ئاڤا چارەسەری منداڵێکی نەخۆش دەکرێت

ئاڤا نیوز

دوای بەدواداچوونی ئاڤا، منداڵێک کە تووشی نەخۆشیەکی دەگمەن بووە، چارەسەری بۆ دەکرێت.

چیرۆکی سەرەکی: ئەیمەنی شاسوار، منداڵێکی تەمەن یەک ساڵ و نیوە، تووشی نەخۆشی "پەنجەکۆتر" بووە کە پێیان خوار دەبێت و نەخۆشییەکی دەگمەنە، باوکی دەڵێت، بۆ چارەسەر بردوویەتی بۆ نۆرینگەکەی د.عەبدولقادر ئالانی و ئەویش حەوت جەلەسەی بۆ داناوە، بەڵام بە هۆی خراپی باری دارایی تەنیا یەک جەلەسەی بۆ کراوە. باوکی ئەیمەن تەنیا ماتۆڕێکی سێ تایەی هەیە و ڕۆژانە پێنج بۆ حەوت هەزار دیناری دەست دەکەوێت، بۆیە هانای بۆ ئاڤا میدیا هێنا.

لێدوانی فەرمی: وەزارەتی تەندروستی لەوبارەیەوە ڕایگەیاند: ئەوەی پێویست بێت بۆ نەخۆشەکە لە سەنتەری هێلینا لە هەولێر بۆی دەکەن. بۆیە داوا لە باوکی ئەیمەن دەکەین تا ڕۆژی شەممە سەردانی سەنتەری هێلینا بکات بۆ ئەوەی پشکنین و چارەسەری بکەن.