سەرۆکوەزیران بارزانی سەردانی جۆرج بووش دەکات

ئاڤا نیوز

لە میانی سەردانەکەیدا بۆ ئەمریکا، سەرۆکوەزیرانی بارزانی سەردانی  جۆرج دەبلیو بووش، سەرۆکی پێشووتری ئەمەریکای کردووە.

ڕاگەیێنراوی فەرمی: مەسرور بارزانی، سەرۆکوەزیرانی هەرێمی کوردستان دەڵێت، سوپاسی بووشی کردووە بۆ پشتیوانیکردنی خەڵکی هەرێمی کوردستان و عێراق و ئازادکردنی عێراق لە ڕژێمی دکتاتۆری سەددام حوسێن و پشتگیریکردنی سیستەمی دیموکراتی . 

زانیاریی زیاتر: بووش سڵاوی  تایبەتیی بۆ سەرۆک بارزانی هەبووە، ئاماژەی بەوەش داوە نزا بۆ خۆشگوزەرانیی گەلی کوردستان و خەڵکی عێراق دەکات .

باکگراوند: لە هەفتەی ڕابردووەوە سەرۆکوەزیران بارزانی بە بانگهێشتێکی فەرمی لە ئەمریکایە و چەندین کۆبوونەوەی لەگەڵ گەورە بەرپرسانی ئەو وڵاتە کردوون، لە کۆبوونەوەکاندا پشتگیری و پشتیوانی بۆ هەرێمی کوردستانی خۆڕاگر دووپاتکرایەوە.