عەدنان زورفی: ڕۆژی لێپرسینەوە نزیک بووەتەوە

ئاڤا نیوز

ئەمینداری گشتیی بزووتنەوەی وەفای نیشتمانی عێراق سیستەمی سیاسی بە بێدەسەڵات ناو دەبات و دەڵێت، "ڕۆژی لێپرسینەوە نزیک بووەتەوە".

بۆچی گرنگە:  عەدنان زورفی، پەرلەمانتار و ئەمینداری گشتی بزووتنەوەی وەفای عێراقی، کەسایەتییەکی بەناوبانگی شیعە مەزهەبە و نزیکە لە کۆمارییەکانی ئەمریکا و لە ئاهەنگی دەستبەکاربوونی ترەمپ وەک سەرۆکی ئەمریکا ڕاستەخۆ لە کۆشکی سپی بەشداری کرد.

لێدوانی فەرمی: عەدنان زورفی لە توێتێکدا لە پلاتفۆرمی x نوسیویەتی و دەڵێت،

- سیستمێکی سیاسیی بێدەسەڵات وڵات بەڕێوە دەبات و بەرگەی هیچ گفتوگۆیەک ناگرێت.

- "ئێمە وەک سیاسەتمەدار زۆر هەوڵی چاکسازی و ڕێکخستنەوەی هێزی سەربازیمان دا، بەڵام  گوێیان لێنەگرتین".

- ئێوە ڕێگای ئاوەدانی و گەشەسەندنتان داخستووە و ڕۆژی لێپرسینەوەتان نزیک بووەتەوە.